धन्यवाद नेपाल, धन्यवाद नेपाली ः तिब्बती शरणार्थी (भिडियो)

प्रकाश श्रेष्ठ
नेपालमा रहेका तिब्बती समुदायले देशविहिन भएर भौतारिएको समयमा नेपाल र नेपालीले आश्रय एवं स्नेह दिएको भन्दै ‘धन्यवाद नेपाल, धन्यवाद नेपाली’ बोलको गीत सार्वजनिक गरी आभार व्यक्त गरेका छन् ।
चीनले सन् १९५९ मा तिब्बत कब्जा गरेपछि आफ्नो प्राण बचाउनका लागि पितापूर्खादेखिको देश छाडेर हिँड्नुको पिडा सायद तिनै तिब्बतीले मात्र बुझ्न सक्छन् । आफ्नो देश छाडेर जीवनको लागि भौतारीएका तिब्बतीहरु अग्ला हिमशिखर पार गरेर नेपाल आइपुगे भने केही भारत पसे । नेपाल आएका तिब्बतीलाई तत्कालीन नेपाल सरकारले शरणार्थी आवाश क्याम्प स्थापनागरी देशको बिभिन्न स्थानमा बस्ने व्यवस्था गरिदिएको थियो ।
आफ्नो देश गुमाएर शरणार्थीको जीवन बिताइरहेका तिब्बतीहरुको लागि बुद्धभूमि नेपाल नै देश हो । नेपाल नै घर हो । आज केही शरणार्थी क्याम्पका तिब्बतीहरु युरोप, अमेरिका पुगेका छन् र पनि उनीहरु नेपाल फर्किएर आउँछन् । उनीहरुका परिवारका सदस्यहरु आज अन्य सुबिधा सम्पन्न देशमा वस्ने अवसर समेत छोडेर नेपालमा नै बसीरहेका छन् किनकी नेपाल र नेपालीको माया हामी कहिल्यै भूल्न सक्दैनौं, हिसी वाङ्दीले बताउनु भयो ।
गीतको रचना साहित्यकार मालिका केशरी र हिसी वाङ्दीले गर्नुभएको हो भने । गीतमा संगित र स्वर काल्साङको रहेको छ ।
उक्त गीतलाई तनहुँको ढोरफिर्दीमा रहेको जाम्पालिङ टिबटेन सेटलमेन्ट क्याम्प स्थापनाको पचास बर्ष पुगेको उपलक्ष्यमा आयोजित कार्यक्रममा गीत सार्वजनिक गरिएको थियो ।