विराटनगर– सोलुखुम्बुको लिखुपिके गाउँपालिका कार्यालय भवनमा आगलागी भएको छ। आगलागिमा गाउँपालिकाका महत्वपूर्ण कागजपत्र जलेर नष्ट भएका छन्।
आइतबार दिउँसो करि १ बजे विद्युत सर्ट भएर आगो सल्किएको र आगलागिका कारण खाना पकाउने ग्यास सिलिन्डर विस्फोट भएको गाउँपालिकाकी अध्यक्ष मिना कार्कीले जानकारी दिइन्।
धेरै दिनदेखि काटिएको बिजुली एक्कासी आएपछि सर्ट भएर आगो लागेको उनको भनाई छ। ‘आगोले त्यहाँ भएको सिलिन्डर पनि पड्कियो। यो गाउँपालिकाको भाडाको कार्यालय हो। सबै ध्वस्त भएको छ।’
उनका अनुसार गाउँपालिकाको भाडाको उक्त कार्यालयमा प्रधानमन्त्री रोजगार कार्यालय र पूर्वाधार विकास कार्यालय थिए। ती शाखाका कागजपत्र जलेर क्षति भएको उनले बताइन्। भवनमा नजिकै रहेको विद्यालय शिक्षक पनि बस्दै आएका थिए।
उनकै कोठाको सिलिन्डर पड्किएको जनाईएको छ।
