काठमाडौं, — नेपाली सांगीतिक बजारमा फेरि एक पटक सुमधुर तामाङ सेलो गीतले धूम मच्चाइरहेको छ। “क्या मीठो बोली” शीर्षकको यस नयाँ तामाङ सेलो गीतमा गायन, अभिनय, निर्देशनदेखि प्राविधिक पक्षसम्मको उत्कृष्ट समन्वय देखिन्छ।
गीतमा दिलिप तामाङ र लीला गोम्देन राई को सशक्त स्वरले तामाङ लोकधुनमा मिठास भरिदिएको छ। गीतका शब्द लोकप्रिय गीतकार डिल्लीराम राई ले लेखेका हुन् भने, संगीत चर्चित संगीतकार आशुसेन लामा को रहेको छ। गीतको संगीत संयोजन (एरेन्ज) राजन र बुढा ले गरेका छन्।
भिडियोमा दोना थापा मगर र याङ्गी डोङ को अभिनय रहेको छ, जसले गीतको भावलाई जीवन्त बनाएको छ। ज्ञानेन्द्र एस. हुमागाईं र नयनन्द्र राई – युके को सिनेमेटोग्राफीले गीतलाई दृश्यात्मक रूपमा उच्च स्तरमा पुर्याएको छ।
गीतमा कोरियोग्राफी सन्तोष राजबाहक को रहेको छ, जसले सांगीतिक लयसँग मेल खाने आकर्षक नृत्य प्रस्तुत गरेका छन्। सम्पादन र रङ संयोजन प्रविण भट्ट को रहेको छ, जसले गीतलाई प्रवाहमय र आकर्षक बनाएको छ।
गीतको निर्देशन जस बहादुर याखा (जसु) ले गरेका छन्। निर्देशक याखाको अनुभव र कलात्मक दृष्टिले गीतलाई अझ प्रभावशाली बनाएको छ।
“क्या मीठो बोली” ले नेपाली सांगीतिक दुनियाँमा तामाङ सेलोको लोकप्रियतालाई अझ फैलाएको छ। मौलिकताको संरक्षणसहित आधुनिक प्रविधिको समायोजनमा तयार भएको यो गीत श्रोता तथा दर्शकका लागि एउटा रमाइलो सांगीतिक उपहार हो।
