प्रतिनिधि सभाका लेखा समिति सभापति ऋषिकेश पोखरेलले स्वकीय सँग आफूलाई जोडेर कु प्रचार गरिएको भन्दै असहमति

विराटनगर । प्रतिनिधि सभाका लेखा समिति सभापति ऋषिकेश पोखरेलले स्वकीय सँग आफूलाई जोडेर कु प्रचार गरिएको भन्दै असहमति ब्यक्त गर्नुभएको छ । उहाँले सामाजिक सञ्जाल फेसबुक मार्फत आफूले राम्रो सँग नचिने कै बेलामा गरेको बदमासीलाई आफूसँग जोडेर यतिबेला गरिएको प्रचार न्यायसंगत नभएको बताउनुभएको छ । जतिबेला बदमासी गरेको खबर सुने सोहि दिन नै स्वकीय बाट हटाएको उल्लेख गर्दै उहाँले फेरी पनि आफ्नो नाम जोडेर हुने प्रचार प्रतिशोध पूर्ण रहेको समेत बताउनुभएको छ । नेकपा एमाले काठमाडौं–मोरङ सम्पर्क मञ्च र कोशी प्रदेश सम्पर्क मञ्चको सिफारिसमा आफूले मोरङ जिल्ला कमिटी सदस्य समेत रहेका अनिलकुमार पोखरेललाई स्वकीय सचिवमा नियुक्ति गरेको बताउनुभएको छ । ‘कारोबार २०७१/०७२ सालमा गरेको देखिन्छ, त्यतिखेर म उसलाई राम्रोसँग चिन्दिन थिएँ,उहाँले फेसबुकमा लेख्नुभएको छ,‘सुनेका दिन हटाए, बिचको थाहा छैन, प्रमाण सत्य हो भने फरेन्सिक चेक होला ।’ सभापति पोखरेलले कसैले कमजोरी गरेको रहेछ भने दण्डको भागेदारि हुनै पर्ने उल्लेख गर्दै यसमा आफूलाई किन जोडेको होला भन्ने प्रश्नसमेत गर्नुभएको छ । उहाँले आफूलाई जोडिरहने बिषय प्रतिशोध भएन र भन्दै असहमति ब्यक्त गर्नुभएको छ । सभापति पोखरेलको स्वकीय सचिव बनेका अनिलकुमार पोखरेलले दीक्षा चौधरीको नाम एमबिबिएसको प्रवेश परीक्षामा निकालिदिने भन्दै २०७१ सालमा नै पटक पटक गरि बाबु बौआलालचौधरीबाट ३८ लाख ८० हजार रुपैयाँ लिएको समाचार बाहिर आएको छ । पुष १९ गते उक्त समाचार बाहिर आएसँगै सभापति पोखरेलले १९ गते नै अनिललाई जिम्मेवारीबाट हटाएको जानकारी सहितको पत्र संसद् सचिवालयमा पठाउनुभएको थियो ।